Erməni səfirliyi Hələbdə olan ermənilərə çağırış edib

Ermənistanın Suriyadakı səfirliyi erməniləri Hələbi tərk etmək cəhdlərini dayandırmağa çağırıb.

"Operativ Məlumat Mərkəzi-OMM" xəbər verir ki, bu barədə Ermənistan KİV-i məlumat yayıb.

Diplomatik nümayəndəlikdən verilən açıqlamada, bildirilib ki, hazırda mütəşəkkil evakuasiya mümkün deyil.

“Hələb və ətraflarında yaşayan vətəndaşlarımızı mümkünsə hərəkətdən çəkinməyə və hələlik şəhəri tərk etmək cəhdlərinin qarşısını almağa çağırırıq",- deyə bəyanata daxil edilib.

Ermənistan vətəndaşlığı üçün müraciət etmiş, lakin hələ də pasport almamış şəxslər, eləcə də Ermənistana uçmaq istəyən erməni əsilli Suriya vətəndaşları Ermənistanın Dəməşq və ya Beyrutdakı səfirliklərinə müraciət edərək asanlıqla viza ala bilərlər.

Ermənistanın Hələbdəki konsulu hazırda Dəməşqdədir və fövqəladə rejimdə fəaliyyət göstərir.