Ermənilər bu dəfə Xalq artisti Aygün Kazımovanın "Səndən nigaranam" mahnısı oğurlayıblar. 

"Operativ Məlumat Mərkəzi-OMM" xəbər verir ki, Tiqran Asatryan adlı ifaçı mahnını oxuyaraq "Andzrev" adı ilə "YouTube" kanalında yerləşdirib. O, müəllifin adını isə qeyd etməyib. 

İctimai Televiziya və Radio Yayımları Şirkəti "Avroviziya-2024" beynəlxalq mahnı müsabiqəsində Azərbaycanı təmsil edəcək iştirakçının adını açıqlayıb.

"Operativ Məlumat Mərkəzi-OMM" xəbər verir ki, bu il ölkəmizi İsveçin Malmö şəhərində Fahree - Fəxri İsmayılov təmsil edəcək.

Xatırladaq ki, bu il seçim prosesi 2 əsas mərhələdən ibarət olub. Birinci mərhələdə iştirakçılar yerli musiqi və səhnə peşəkarlarından ibarət jüri qarşısında mahnılarını canlı olaraq ifa ediblər. Yerli jüri səsverməsi nəticəsində 15 ifaçıdan 6-sı beynəlxalq jüri səsverməsinə keçə bilib. Fahree səsvermənin lideri olmaqla 2024-cü ildə Azərbaycanın Avroviziya təmsilçisi adına layiq görülüb.

Qeyd edək ki, əvvəlki illərdən fərqli olaraq, bu ilki seçimlərdə hər bir ifaçı məhz Avroviziya səhnəsində ifa etmək istədiyi mahnı ilə iştirak edib. Qalib mahnıda müasir pop və ənənəvi etno elementlərinin sintezi əksini tapir.

İsveçin Malmö şəhərində keçiriləcək "Avroviziya-2024" mahnı müsabiqəsinin yarımfinal mərhələləri bu il mayın 7-si və 9-u, final mərhələsi isə mayın 11-də baş tutacaq. Püşkatma nəticəsində Azərbaycan bu il 1-ci yarımfinalda çıxış edəcək.

Müğənni Emin Ağalarov qastrol proqramında dəyişiklik edib.

"Operativ Məlumat Mərkəzi-OMM" xəbər verir ki, Ağalarov Çelyabinskdəki konsertin ləğv edildiyini bildirib.

Tamaşa martın 5-də M.İ.Qlinka adına Opera və Balet Teatrında göstərilməli idi.

Konsertin baş tutmamasının səbəbləri məlum deyil.

Quba Rayon Polis Şöbəsinin əməkdaşları tərəfindən daxil olan məlumat əsasında keçirilən əməliyyat-axtarış tədbirləri zamanı Gəncə şəhərində qeydiyyatda olmaqla Qubada müvəqqəti kirayə mənzildə yaşayan Şaiq Həşimov saxlanılıb.

"Operativ Məlumat Mərkəzi-OMM" xəbər verir ki, DİN Mətbuat Xidmətinin Quba regional qrupundan "Qafqazinfo"ya bildirilib ki, Həşimov şəhid ailələrinə, qazilərə, fiziki məhdudiyyəti olan şəxslərə problemlərinin həllinə dair səlahiyyəti olmadığı halda vədlər verərək onlara ümumilikdə 20100 (iyirmi min yüz) manat ziyan vurub.

Faktla bağlı Quba RPŞ-də cinayət işi başlanılıb və məhkəmənin qərarı ilə Şaiq Həşimovun barəsində həbs qətimkan tədbiri seçilib.

Qeyd edək ki, Ş.Həşimov müğənni Aybəniz Haşımovanın qardaşıdır.

Bakıda hədə-qorxu ilə tələb etmədə təqsirləndirilən prodüser Təranə Səmədova və onun tanışı Rasim Həsənova hökm oxunub.

"Operativ Məlumat Mərkəzi-OMM" xəbər verir ki, bu barədə hökm Bakı Ağır Cinayətlər Məhkəməsinin hakimi Səbinə Məmmədzadənin sədrliyi ilə keçirilən prosesdə elan edilib.

Hökmə əsasən, Təranə Səmədova 6 il, Rasim Həsənov isə 7 il müddətinə azadlıqdan məhrum edilib.

Qeyd edək ki, aparılan istintaq zamanı müəyyən olunub ki, T.Səmədova qeyri-rəsmi ər-arvad kimi yaşadığı R.Həsənovla birgə Altay Səfirovun (ad, soyad şərtidir) fotoşəkillərini əldə edib.

Daha sonra həmin şəxslər fotoşəkilləri Altayın ailə üzvlərinə göstərməklə, yaşadığı məhəllədə yaymaqla, o, cümlədən instaqram və digər sosial şəbəkələrində yerləşdirməklə hədələyib. Bu yolla T.Səmədovla R.Həsənov ondan 3 min manat tələb edib.

Beləliklə, ötən ilin noyabrında onlar zərərçəkmiş şəxsdən ümumilikdə 1 100 ABŞ dolları məbləğində pulu hədə-qorxu ilə tələb edərək ələ keçiriblər.

Bundan başqa, T.Səmədovla R.Həsənov təkrarən Altay Səfərovu rüsvayedici fotoşəkillərlə şantaj edərək ondan 1 000 manat pul tələb ediblər. Lakin zərərçəkmiş onlara 130 manat pul verib.

Qeyd edək ki, T.Səmədova və R.Həsənov barəsində Cinayət Məcəlləsinin 182.2.1-ci (hədə-qorxu ilə tələb etmə, qabaqcadan əlbir olan bir qrup şəxs tərəfindən törədildikdə) maddələri ilə ittiham irəli sürülüb, məhkəmənin qərarı ilə həbs qətimkan tədbiri seçilib.

Azərbaycanda hind, ərəb, yəhudi və s. yad ritmlərlə müşayiət olunan mahnıların siyahısı tərtib edilib.

"Operativ Məlumat Mərkəzi-OMM" xəbər verir ki, siyahı Dövlət Dil Komissiyası yanında Monitorinq Mərkəzinin hazırladığı "Mahnılarımız monitorinq aynasında" adlı kitabda öz əksini tapıb.

Həmin mahnılar aşağıdakılardır:

- Nazənin - "Səni sevərəm";

- Rübail Əzimov - "Divanə";

- Sevil, Sevinc & Nurlan Təhməzli - "Baş bəlası";

- Nurlan Təhməzli & Sevil, Sevinc - "Şəkər ilə bal";

- Nurlan Təhməzli - "Öp, yar, ürəyimdən";

- Nurlan Təhməzli- "Yox xəbəri";

- Könül Kərimova & Aydın Sani - "Bəs mən səni kimdən soruşum?";

- Mətanət Əsədova - "Sevdim";

- Nurlan Təhməzli "Mən aşiqəm";

- Abbas Bağırov - "Xızı dağları";

- Qurd - "Rəqs edir hər kəs";

- Pərviz Bülbülə & Türkan Vəlizadə - "Rin-narin";

- Aqşin Fateh & Nəfəs - "Qar çiçəyi";

- Mina Hüseyn - "Brend";

- Niyam Salami - "Kefimiz düzələr";

- Aynur Dadaşova - "Dünya hey fırlanır";

- Məryəm Şabanova-"Bayram";

- Nəfəs & Aqşin Fateh - "Yarəm";

- İman Zaman - "Könlümün maralı";

- Afşin Azəri-"Can, can";

- Əli Pormehr- "Naz eləmə";

- Aqşin Fateh & Aysel Manaflı - "Həbibim";

- Niyam Salami - Şeytan qadın";

- Şəbnəm Tovuzlu - "Olmaz";

- Aqşin Fateh-"Çarəsiz";

- Ülviyyə Namazova - "Halım yamandır".