İngilis müdafiəçisi Erik Dayer bu mövsümün sonunda "Bavariya"nı tərk edə bilər.
"Operativ Məlumat Mərkəzi-OMM" xəbər verir ki, bu barədə "Bayern & Germany" portalı məlumat yayıb.
Mənbənin məlumatına görə, Almaniya klubu 30 yaşlı futbolçuya yeni müqavilə təklif etməyəcək.
Mövcud müqavilənin müddəti 2025-ci ilin yayında bitir. Cari mövsümdə Almaniya Bundesliqasında Dayer dörd oyunda iştirak edib.
Almaniya çempionatının 10-cu turundan sonra "Bavariya" 26 xal toplayıb və turnir cədvəlində liderlik edir.
