Afət Ziyadqızı
Təxirə salınmış Rusiya-Ərəb sammiti bu ilin sonuna qədər baş tuta bilər.
"Operativ Məlumat Mərkəzi-OMM" RİA Novosti-yə istinadən xəbər verir ki, bu barədə Ərəb Liqasının Moskvadakı səfiri Valid Həmid Şiltaq bildirib.
"Əgər vaxtımız olsa, bu il olacaq. Hər kəs gündəmlə məşğul olsa, tarix bir-iki ay, yanvar və ya fevral aylarına keçə bilər. Çünki hər şey hazırdır və biz sammit üçün yeni tarix təyin edəcəyik", - diplomat deyib.
O, tədbirin vaxtının hələ dəqiqləşmədiyini açıqlayıb. Səfirin sözlərinə görə, hazırda Rusiya Xarici İşlər Nazirliyi və sammitin hazırlıq komitəsi ilə iş gedir və yeni tarix ərəb liderləri ilə də müzakirə edilməlidir.
