Türkiyə prezidenti Rəcəb Tayyib Ərdoğan Ankaranın Ukraynadakı vəziyyəti diqqətlə izlədiyini bildirib və tərəfləri danışıqlara qayıtmağa çağırıb.

"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.

Prezidentlikdən verilən açıqlamada, Ərdoğan ilə Braziliya prezidenti Luiz İnasio Lula da Silva arasında baş tutan telefon danışığında ikitərəfli münasibətlərlə yanaşı, qlobal və regional mövzuların da müzakirə edildiyi bildirilib.

Ərdoğan Braziliyanın İsrailin Fələstin ərazilərindəki hərəkətləri ilə bağlı mövqeyini təqdir etdiyini, həmçinin atəşkəs və bölgəyə humanitar yardımın göstərilməsinin zəruriliyindən danışıb.

Türkiyə prezidenti onu da vurğulayıb ki, Ankara Moskva və Kiyevi hüquqlara və qanunlara əsaslanan ədalətli dünya qurmaq üçün səy göstərməyə çağırır.

İran prezidenti vəzifəsini icra edən, birinci vitse-prezidenti Məhəmməd Möhbər yaxın günlərdə ölkəni idarə etmək üçün 6 xüsusi komitə yaradıb.

"Operativ Məlumat Mərkəzi-OMM" TASS-a istinadən xəbər verir ki, bu barədə İran hökumətinin nümayəndəsi məlumat yayıb.

İranın xarici işlər nazirinin müavini Əli Baqeri XİN başçısı səlahiyyətlərini icra edəcək.

"Operativ Məlumat Mərkəzi-OMM" xəbər verir ki, məlumatı İran KİV-i yayıb.

Bildirilib ki, Əli Baqeri, həmçinin İran hökumətinin xarici əlaqələr komitəsinin rəhbəri təyin edilib.

Qeyd edək ki, xarici işlər naziri Hüseyin Əmir Abdullahian mayın 19-da helikopter qəzasında həlak olub.

İran Prezidenti İbrahim Rəisi və onu müşayiət edən şəxslərin dəfn mərasimi mayın 21-də Təbriz şəhərində keçiriləcək.

"Operativ Məlumat Mərkəzi-OMM" TASS-a istinadən xəbər verir ki, bu barədə “Mehr” agentliyi məlumat yayıb.

Rusiya Prezidenti Vladimir Putin İranın Ali Rəhbəri Ayətullah Seyid Əli Xameneiyə Prezident İbrahim Rəisinin həlak olması ilə bağlı başsağlığı verib.

"Operativ Məlumat Mərkəzi-OMM" xəbər verir ki, bu barədə Rusiya KİV-ləri məlumat yayıb.

“O, Rusiyanın əsl dostu kimi ölkələrimiz arasında mehriban qonşuluq münasibətlərinin inkişafına əvəzsiz töhfələr verib, onların strateji tərəfdaşlıq səviyyəsinə çatdırılması üçün böyük səylər göstərib”, - Rusiya dövlət başçısı vurğulayıb.

İran Prezidenti İbrahim Rəisinin ölümündən sonra parlamentin ilk açıq iclası mayın 21-də baş tutacaq.

"Operativ Məlumat Mərkəzi-OMM" TASS-a istinadən xəbər verir ki, bu barədə İranın “Tasnim” agentliyi məlumat yayıb.

Məlumata görə, iclas sabah səhər saatlarında keçiriləcək.

Qeyd edək ki, İran Prezidenti İbrahim Rəisinin helikopteri İran-Azərbaycan sərhədindən çox da uzaq olmayan Verzeqan şəhəri yaxınlığında sərt eniş edib. Qəzada bütün sərnişinlər və ekipaj üzvləri həlak olub.