Türkiyə prezidenti Rəcəb Tayyib Ərdoğan Rusiya və Suriya prezidentləri Vladimir Putin və Bəşər Əsədi Suriyanın həllini müzakirə etmək üçün ölkəyə dəvət edə biləcəyini deyib.
"Operativ Məlumat Mərkəzi-OMM" xəbər verir ki, bu barədə “Anadolu” agentliyi məlumat yayıb.
Ərdoğanın sözlərinə görə, Putin Türkiyəyə səfər edə bilsə, bu, Ankara ilə Dəməşq arasında münasibətlərin normallaşması istiqamətində yeni prosesin başlanğıcı ola bilər.
“Ötən illər göstərdi ki, Suriya üçün daimi həll mexanizminin yaradılması lazımdır. İnfrastrukturu dağıdılan, əhalisi dağıdılan Suriyanın ayağa qalxması həyati əhəmiyyət kəsb edir. Qeyri-sabitliyə son qoymaq vacibdir”, - Türkiyə lideri Qazaxıstana ŞƏT sammitinə səfərindən qayıtdıqdan sonra bildirib.
