Afət Ziyadqızı
Fransa Prezidenti Emmanuel Makron İsrail və Hizbullah arasında elan olunan atəşkəsi dəstəklədiyini bildirib, lakin döyüşlərin davam etməsindən narahatlığını ifadə edib.
“Operativ Məlumat Mərkəzi-OMM”xəbər verir ki, bu barədə xarici KİV məlumat yayıb.
Makron X sosial şəbəkəsində paylaşım edərək ABŞ Prezidenti Donald Tramp tərəfindən elan olunan atəşkəsi tam dəstəklədiyini qeyd edib.
O, eyni zamanda davam edən toqquşmaların atəşkəsin pozulmasına səbəb ola biləcəyindən narahat olduğunu bildirib və mülki əhalinin təhlükəsizliyinin təmin edilməsinə çağırıb.
Fransa Prezidenti vurğulayıb ki, Hizbullah silahlarını yerə qoymalıdır, İsrail isə Livanın suverenliyinə hörmət etməli və müharibəyə son verməlidir.
Qeyd edək ki, bundan əvvəl Livan Milli Xəbər Agentliyi atəşkəs rejiminin pozulması nəticəsində ölən və yaralananların olduğu barədə məlumat yayıb.
