Əfqanıstan nümayəndə heyəti BRİKS-in Kazanda keçiriləcək sammitində və ya təşkilatın növbəti sammitində iştirak edə bilər.
"Operativ Məlumat Mərkəzi-OMM" xəbər verir ki, bu barədə Qazaxıstan-Əfqanıstan biznes forumu çərçivəsində Taliban hökumətinin ticarət və sənaye naziri Nuriddin Əzizi bildirib.
Onun sözlərinə görə, Əfqanıstan faktiki olaraq Kazanda keçiriləcək BRİKS sammitində iştirak ərizəsi ilə məktub yazıb və göndərib, BRİKS rəsmiləri artıq məktubu nəzərdən keçirir.
“BRİKS-dən cavab aldıqda və onlar müəyyən qərar qəbul etdikdə, biz qərarımızı verəcəyik. “Bəlkə bu, ya gələn dəfə iştirak edəcəyik”,-deyə Əzizi bildirib.
Onun sözlərinə görə, Əfqanıstan “müşahidəçi kimi iştirak etmək” istəyir.
