Milli Məclisin deputatı Aqil Abbas Milli Məclisin payız sessiyası üzrə növbəti plenar iclasında Prezidentin imzaladığı amnistiya aktı ilə bağlı çıxış edib.
"Operativ Məlumat Mərkəzi-OMM"-in xəbərinə görə, deputat bildirib ki, amnistiya minlərlə insan üçün sevinc mənbəyidir:
“Həqiqətən insanlar — qadınlar, balalar, analar, bacılar sevinəcək. Bu, çox mühüm bir aktdır”.
Aqil Abbas amnistiyanın jurnalistlərə də şamil olunmasını arzuladığını deyib:
“Çox istərdim ki, bu jurnalistlərə də şamil olunsun. Biz onları pis də bilsək, yenə də şamil olunsun. Düzdür, günahları var, xəyanətləri var, amma müəyyən cinayətləri bağışlamaq olar”.
Afət ZİYADQIZI
