Amerikanın Nyu-York, Pensilvaniya və digər bir sıra ştatları Debi tropik qasırğasının təsirir altına düşüb.
"Operativ Məlumat Mərkəzi-OMM" xarici KİV-ə istinadən xəbər verir ki, qasırğa tamamilə zəifləsə də, bir sıra yerlərdə daşqınlara səbəb olub.
Siklon daha əvvəl Floridada dağıntılar törədib, pis hava şəraiti 8 nəfərin ölümünə səbəb olub.
Nyu-Yorkda, əsasən, ətraf bölgələr suların əsarətində təcrid vəziyyətinə düşüblər. Yolları bağlanan əhali təxliyəsi olunur. Nyu-Yorkun bəzi bölgələlərində torpaq sürüşmələri də baş verib. Körpülərin qırılması, yollarda ağacların qırılması nəqliyyatın hərəkətini dayandırıb.
Bundan başqa, daşqınlar elektrik şəbəkələrinə zərər vurub, 150 mindən çox sakin işıqsız qalıb.
