“Bavariya”nın və Fransa millisinin mərkəz müdafiəçisi Dayo Upamekano komanda yoldaşı Maykl Olisenin İspaniyanın “Real” klubuna keçəcəyi ilə bağlı yayılan xəbərlərə aydınlıq gətirib.
"Operativ Məlumat Mərkəzi-OMM" xəbər verir ki, son dövrlər mətbuatda 24 yaşlı vingerin Madrid təmsilçisi üçün “arzulanan transfer” olduğu və klub prezidenti Florentino Peresin onu heyətinə qatmaq üçün böyük məbləğ ödəməyə hazırlaşdığı barədə iddialar geniş yayılıb.
Jurnalist Kerri Hauya verdiyi müsahibədə Upamekanoya Olisenin mümkün transferi ilə bağlı sual ünvanlanıb.
Müdafiəçi komanda yoldaşının gələcəyi barədə qəti mövqe nümayiş etdirib. “O, burada qalır, o, burada qalır”, - deyə Upamekano gülümsəyərək cavab verib və bununla da transfer şayiələrinə son qoyub.
Qeyd edək ki, “Bavariya” rəhbərliyi istedadlı futbolçunu satmaq niyyətində deyil. Maykl Olise hazırkı mövsümdə göstərdiyi yüksək performansla diqqət mərkəzindədir. Xüsusilə, 2026-cı il Dünya Çempionatında nümayiş etdirdiyi oyunla yadda qalan vinger, beş məhsuldar ötürmə ilə turnirin ən yaxşı assistenti kimi liderliyi ələ keçirib.
