Çinin Daşqın və Quraqlıqla Mübarizə üzrə Dövlət Qərargahı Hubey və Çunsin əyalətlərində yaranmış vəziyyətlə əlaqədar dördüncü səviyyəli fövqəladə vəziyyət elan edib. "Xinhua" agentliyinin Fövqəladə Hallar Nazirliyinə istinadən verdiyi məlumata görə, Hubey əyalətində daşqınların fəsadlarının aradan qaldırılmasına dəstək məqsədilə xüsusi işçi qrupu ezam olunub.
Qərargah, həmçinin 23-27 may tarixlərində bölgədə gözlənilən intensiv yağışlarla bağlı müvafiq qurumlarla koordinasiyalı şəkildə təhlükəsizlik tədbirlərini gücləndirib.
Son rəsmi məlumatlara əsasən, Çinin mərkəzi bölgələrində müşahidə olunan güclü yağışlar nəticəsində:
- 7 nəfər həlak olub;
- 14 nəfər isə itkin düşmüş hesab olunur.
