Biz daha yaxşı, daha ağıllı və daha dayanıqlı şəhər sistemləri qurmalıyıq.
“Operativ Məlumat Mərkəzi-OMM” xəbər verir ki, bunu Ağdam, Füzuli və Xocavənd rayonlarında Azərbaycan Prezidentinin xüsusi nümayəndəsi Emin Hüseynov BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Böhrandan sonra mənzil bərpa və yenidənqurma işlərinin mərkəzindədir” mövzusunda tədbirdə deyib.
O bildirib ki, mənzil təminatı birinci gəlməlidir, çünki o ləyaqəti, sabitliyi və inamı bərpa edir. Ailələr təhlükəsiz evlərə qayıtdıqda məktəblər yenidən açılır, yerli iqtisadiyyat canlanır, sosial bağlar yenidən qurulur və icmalar gələcəyə olan inamını yenidən qazanırlar. Artıq xeyli sayda keçmiş məcburi köçkün yenidən qurulmuş icmalara qayıdıb, növbəti illərdə isə daha çox insanın qayıtması gözlənilir.
