Çində 5,5 bal gücündə zəlzələ baş verib

Çinin cənub-qərbində yerləşən Siçuan əyalətində 5,5 bal gücündə zəlzələ qeydə alınıb.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

Bildirilib ki, yeraltı təkanlar 6 kilometr dərinlikdə qeydə alınıb.

İlkin məlumata əsasən, zəlzələ nəticəsində ölən olmayıb, yüngül xəsarət alan 13 nəfər xəstəxanaya yerləşdirilib.

Hadisədən sonra bölgədə üçüncü səviyyəli fövqəladə vəziyyət elan edilib.

Zərər görmüş binalarda yaşayan 196 nəfər müvəqqəti sığınacaqlara köçürülüb.