Çin Venesuela prezidenti Nikolas Maduro və həyat yoldaşının dərhal azad edilməsində israr edir.
"Operativ Məlumat Mərkəzi-OMM"xəbər verir ki, bu barədə TASS Çin Xarici İşlər Nazirliyinin sözçüsü Mao Ninqə istinadən məlumat yayıb.
Mao Ninq bildirib ki, heç bir ölkə öz daxili qanunlarını beynəlxalq hüquqdan üstün tuta bilməz.
Onun sözlərinə görə, Çin ABŞ-ni prezident Maduro və həyat yoldaşını dərhal azad etməyə, həmçinin onların şəxsi təhlükəsizliyini təmin etməyə çağırır.
Xatırladaq ki, 3 yanvar 2026-cı ildə ABŞ qüvvələri Venesuelada əməliyyat keçirərək prezident Nikolas Maduronu saxlayıb və onu narkotik qaçaqmalçılığı ilə bağlı ittihamlar üzrə məhkəmə qarşısına çıxarmaq üçün ABŞ-yə aparıb. Maduronun işi üzrə ilk məhkəmə iclası 5 yanvar 2026-cı ildə keçirilib.
