"OpenAI" "ChatGPT" platformuna qrup söhbəti funksiyası əlavə etdiyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Yeni xüsusiyyətlə istifadəçilər dostları, ailə üzvləri və ya iş yoldaşları ilə birlikdə eyni söhbət pəncərəsində ChatGPT ilə birgə işləyə biləcək.
Beləliklə, artıq bir nəfərin sualları hazırlayıb cavabları kopyalayıb paylaşmasına ehtiyac qalmayacaq.
Qrup söhbəti funksiyası ilkin mərhələdə Yaponiya, Yeni Zelandiya, Cənubi Koreya və Tayvanda istifadəyə verilib.
"OpenAI" yaxın zamanda bu funksiyanı daha çox ölkəyə genişləndirməyi planlaşdırır.
Xüsusiyyət "Free", "Go", "Plus" və "Pro" daxil olmaqla bir çox hesab növü üçün əlçatandır, lakin "Education", "Enterprise" və "Business" abunəlikləri bu çərçivəyə daxil deyil.
"OpenAI" qrup söhbətinin planlaşdırma, layihə eskizlərinin hazırlanması kimi birgə işlərdə rahatlıq yaradacağını bildirib.
İstifadəçilərin yalnız pilot proqramına daxil bir hesabla daxil olmaları və söhbət pəncərəsinə digər şəxsləri əlavə etmələri kifayət edəcək.
