20 yanvar 2026-cı il tarixində Azərbaycanın xarici işlər naziri Ceyhun Bayramov ilə Türkiyənin xarici işlər naziri Hakan Fidan arasında telefon danışığı baş tutub.
İkitərəfli və beynəlxalq əməkdaşlıq müzakirə edilib
Xarici İşlər Nazirliyinin "Operativ Məlumat Mərkəzi-OMM"-ə verdiyi məlumata görə, söhbət zamanı Azərbaycan-Türkiyə ikitərəfli münasibətləri, həmçinin beynəlxalq təşkilatlar çərçivəsində əməkdaşlıq məsələləri müzakirə olunub.
Regional təhlükəsizlik və normallaşma prosesi diqqət mərkəzində
Danışıq zamanı həmçinin regional təhlükəsizlik mövzuları, Yaxın Şərqdəki vəziyyət və Azərbaycan-Ermənistan arasında normallaşma prosesi barədə fikir mübadiləsi aparılıb.
