Ceyhun Bayramov Braziliya Federal Senatının nümayəndə heyəti ilə görüşüb

Ceyhun Bayramov Braziliya Federal Senatının nümayəndə heyəti ilə görüşüb
08.02.2024 19:25
Aa
dəq

Azərbaycanın xarici işlər naziri Ceyhun Bayramov növbədənkənar Azərbaycan Respublikası Prezidenti seçkilərinin müşahidəsi məqsədilə ölkəmizdə səfərdə olan Braziliya Federal Senatında Braziliya-Azərbaycan Dostluq Qrupunun rəhbəri Senator Nelsinyo Tradın başçılıq etdiyi nümayəndə heyətini qəbul edib.

Bu barədə "Operativ Məlumat Mərkəzi-OMM"ə Xarici İşlər Nazirliyindən məlumat verilib.

Bildirilib ki, görüş zamanı Azərbaycan və Braziliya arasında ikitərəfli və çoxtərəfli əməkdaşlığın genişləndirilməsi perspektivləri, artan siyasi təmaslar və ikitərəfli məsləhətləşmələr mexanizmi üzrə planlar müzakirə olunub. Azərbaycan Respublikası Hökuməti ilə Braziliya Federativ Respublikası Hökuməti arasında Ticarət və İnvestisiya Əməkdaşlığı üzrə Birgə İşçi Qrupunun növbəti görüşünə hazırlığın əhəmiyyəti diqqətə çatdırılıb.

C.Bayramov müstəqillik tariximizdə ilk dəfə olaraq ərazi bütövlüyümüz və suverenliyimizin tam bərpa olunduğu dövrə təsadüf edən növbədənkənar Azərbaycan Respublikası Prezidenti seçkilərinin ölkəmiz üçün xüsusi əhəmiyyət daşıdığını qeyd edib.

Görüşdə həmçinin bu il ölkəmizin ev sahibliyi etdiyi BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) ikitərəfli əlaqələrin inkişafı, habelə COP30-u keçirən ölkə kimi Braziliya ilə əlaqələndirmə işlərinin genişləndirilməsi baxımından əhəmiyyəti vurğulanıb.

Görüş zamanı həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.

Həftənin ən çox oxunanları

İlham Əliyev Macarıstanın yeni dövlət başçısını təbrik edib

İlham Əliyev Macarıstanın yeni dövlət başçısını təbrik edib
DAVAMIN OXU davamın oxu

Prezident müraciət ünvanlayıb

Prezident müraciət ünvanlayıb
DAVAMIN OXU davamın oxu

Rəsulzadənin məzarının abadlaşdırılmasına başlanılıb

Rəsulzadənin məzarının abadlaşdırılmasına başlanılıb
DAVAMIN OXU davamın oxu

Almaniyada nazirlərin üçtərəfli görüşü olub

Almaniyada nazirlərin üçtərəfli görüşü olub
DAVAMIN OXU davamın oxu

Azərbaycan və Almaniya XİN başçıları görüşüb

Azərbaycan və Almaniya XİN başçıları görüşüb
DAVAMIN OXU davamın oxu