Afət Ziyadqızı
"Rusiya və ABŞ Cenevrədə danışıqları davam etdirirlər".
“Operativ Məlumat Mərkəzi-OMM” xəbər verir ki, Rusiya xarici işlər nazirinin müavini Mixail Qaluzin jurnalistlərə bildirib ki, Ankoricdə keçirilən Rusiya-ABŞ sammitinin ruhu Cenevrədə keçirilən danışıqlarda canlı və güclü idi.
Qaluzin Ukrayna böhranının həlli ilə bağlı danışıqların heç də rahat getmədiyini, lakin onların davam edəcəyini vurğulayıb.
Xatırladaq ki, Rusiya-Amerika Birləşmiş Ştatları - Ukrayna danışıqlarının üçüncü raundu 17-18 fevral tarixlərində Cenevrədə keçirilib. Rusiya nümayəndə heyətinə dövlət başçısının köməkçisi Vladimir Medinski rəhbərlik edib və görüşləri "çətin, lakin işgüzar" adlandırıb. Ukrayna lideri Vladimir Zelenskinin sözlərinə görə , tərəflər atəşkəs monitorinqi mexanizmi ilə bağlı "demək olar ki, razılığa gəliblər".
