İngiltərənin "Çelsi" klubunun yeni baş məşqçisi bəlli olub.

"Operativ Məlumat Mərkəzi-OMM" London təmsilçisinin rəsmi saytına istinadən xəbər verir ki, "zadəganlar" Mauritsio Poçettinoya tapşırılıb.

Argentinalı mütəxəssislə 2+1 illik müqavilə imzalanıb.

Qeyd edək ki, Mauritsio Poçettino son olaraq 2021/2022 mövsümündə Fransanın PSJ klubunun sükanı arxasında olub.

İngiltərə Premyer Liqasında növbəti oyun keçirilib.

"Operativ Məlumat Mərkəzi-OMM" xəbər verir ki, çempionluq mübarizəsi aparan "Mançester Siti" səfərdə "Brayton"la qarşılaşıb. Görüş "şəhərlilər"in 4:0 hesablı qələbəsi ilə yekunlaşıb.

Qolları Kevin De Brüyne (1 qol), Fil Foden (2 qol ) və Xulian Alvares (1 qol) vurub.

Bu nəticədən sonra xallarını 76-ya çatdıran "Mançester Siti" ikinci pilləyə yüksəlib. Turnir cədvəlinə isə 77 xalla "Arsenal" başçılıq edir.

Türkiyə Super Liqasının 34-cü həftəsində keçiriləcək “Fənərbaxça”-“Beşiktaş” derbisinin baş hakimi bəlli olub.

"Operativ Məlumat Mərkəzi-OMM" xəbər verir ki, qarşılaşmanı Volkan Bayarslan idarə edəcək.

Beləliklə, Volkan Bayarslan ikinci dəfə "Fənərbaxça" - "Beşiktaş" derbisini idarə edəcək.

46 yaşlı hakim daha əvvəl 2 oktyabr 2022-ci ildə oynanılan və 0:0 hesabı ilə başa çatan "Beşiktaş" - "Fənərbaxça" derbisinin baş hakimi olub.

Digər tərəfdən, Volkan Bayarslan karyerasında 5-ci dəfə derbi matçında fit çalacaq.

Qeyd edək ki, qarşılaşma aprelin 27-si saat 20:00-da baş tutacaq.

Türkiyəli futbol hakimi Yusuf Bulut dünyasını dəyişib.

"Operativ Məlumat Mərkəzi-OMM" xəbər verir ki, bu barədə yerli mətbuat məlumat yayıb.

Ədalət təmsilçisinin 37 yaşında infarktdan vəfat etdiyi bildirilib.

Qeyd edək ki, Yusuf Bulut aşağı yaş qruplarının oyunlarına təyinat alıb.

Bu gün Azərbaycan Kubokunda finala çıxan ikinci komandanın adına aydınlıq gəlib.

"Operativ Məlumat Mərkəzi-OMM" xəbər verir ki, "Qarabağ" ilk oyunda 4:0 hesabı ilə qalib gəldiyi "Neftçi"ni Tofiq Bəhramov adına Respublika stadionunda qəbul edib. Görüş Ağdam təmsilçisinin 4:1 hesablı qələbəsi ilə yekunlaşıb.

Matçda hesabı 16-cı dəqiqədə Olavio Juninyo açıb. Qonaqların heyətində 61-ci dəqiqədə Qara Qarayev avtoqol müəllifi olub. Ruslan Mirzov 63-cü dəqiqədə fərqi azaldıb. Juninyo 69-cu dəqiqədə dublunu rəsmiləşdirib. Matçın yekun nəticəsini 78-ci dəqiqədə Nəriman Axundzadə müəyyənləşdirib.

Yarımfinalın ilk görüşündə "Zirə" səfərdə "Qəbələ"yə iki cavabsız topla qalib gələrək finala yüksəlib. Bu komandalar arasında ilk oyunda da "qartallar" 2:1 hesabı ilə qələbə qazanmışdı.

Qeyd edək ki, Azərbaycan Kubokunun final oyunu iyunun 2-də “Liv Bona Dea Arena”da olacaq.

Futbol üzrə Azərbaycan Kubokunda ilk finalçı müəyyənləşib.

"Operativ Məlumat Mərkəzi-OMM" xəbər verir ki, yarımfinal mərhələsinin cavab oyununda səfərdə “Qəbələ”ni 2 cavabsız qolla məğlub edən “Zirə” həlledici matça vəsiqə əldə edib.

Qarşılaşmada hər iki qol ikinci hissədə vurulub. 58-ci dəqiqədə Vladislav Kulaç, 84-cü dəqiqədə isə Rafael Utziq meydan sahiblərinin qapısına yol tapıblar.

Bakıdakı ilk görüşdə 2:1 hesablı qələbə qazanan paytaxt təmsilçisi iki matçın nəticəsinə (4:1) əsasən adını finala yazdırıb.

Yarımfinalın digər cavab oyununda “Qarabağ” “Neftçi”ni qəbul edəcək. Bu gün Tofiq Bəhramov adına Respublika Stadionunda keçiriləcək görüş saat 20:00-da başlayacaq.

Qeyd edək ki, Azərbaycan Kubokunun final oyunu iyunun 2-də “Liv Bona Dea Arena”da olacaq.