Rusiya Xarici İşlər Nazirliyinin sözçüsü Mariya Zaxarova Almaniyanın Moskvadakı səfirliyinin "Telegram" kanalında təhrif olunmuş SSRİ dövlət bayrağı ilə Avropanın müharibədən sonrakı sərhədlərinin xəritəsinin dərcini dəhşət və anti- tarixi saxtakarlıq adlandırıb.
"Operativ Məlumat Mərkəzi-OMM" xəbər verir ki, bununla bağlı TASS məlumat yayıb.
Diplomat xatırladıb ki, müvafiq yazı dərc edildikdən sonra silinib.
"Bu, sadəcə olaraq, dəhşətdir. Bu yazı, həm saxta, həm də anti-tarixi adlandırılmalıdır. Çünki onlar Avropada müharibədən sonrakı güman edilən sərhədlərin xəritəsini dərc ediblər", - o bildirib.
