Böyük Britaniyadan Ruandaya qeyri-qanuni miqrantların göndərilməsi üçün uçuşlar iyulun ortalarında başlayacaq.

"Operativ Məlumat Mərkəzi-OMM" “Sky News”a istinadən xəbər verir ki, bunu Böyük Britaniyanın Baş naziri Rişi Sunak mətbuat konfransında deyib.

“İlk uçuşlar 10-12 həftəyə başlayaq. Əlbəttə ki, bu, bizim istədiyimiz vaxtdan gecdir. Lakin biz həmişə açıq şəkildə bəyan etmişik ki, bütün prosedurlar vaxt aparacaq”, - o vurğulayıb.

Baş nazir gecikmələrə görə müxalif Leyboristlər Partiyasının nümayəndələrini ittiham edib. R.Sunak qeyd edib ki, onlar qanun layihəsinə bir neçə dəfə düzəlişlər edib və onu İcmalar Palatasına qaytarmışdılar.

Onun sözlərinə görə, Avropa İnsan Haqları Məhkəməsi (AİHM) Böyük Britaniyaya qeyri-qanuni mühacirlərin Afrika ölkəsinə deportasiyasının başlanmasına yenidən mane olarsa, bu məhkəmədən çıxa bilər: “Biz xarici məhkəmənin uçuşların başlanmasına mane olmasına icazə verməyəcəyik”.

Krımda ATACMS raketləri ilə gecə hücumu Amerikanın "RQ-4B Global Hawk" kəşfiyyat təyyarəsi tərəfindən koordinasiya edilib.

"Operativ Məlumat Mərkəzi-OMM" xəbər verir ki, bu barədə “Military Chronicle” Teleqram kanalı məlumat yayıb.

Qeyd edilib ki, pilotsuz təyyarə Qara dəniz üzərində görünüb.

“ATACMS-in Krımda istifadəsi ilk dəfə qeydə alınmır və onu göstərir ki, müəyyən şərtlərə görə yarımadanın obyektləri Ukrayna Silahlı Qüvvələri və Ukrayna Baş Kəşfiyyat İdarəsi üçün əsas hədəf olaraq qalır".

İsrail ordusu Qəzza şəhərində Əbu İskəndər, Əs-Sidra və Əs-Səhaba bölgələrinə hücumlar həyata keçirib.

"Operativ Məlumat Mərkəzi-OMM" xəbər verir ki, bu barədə Fələstinin rəsmi agentliyi WAFA məlumat yayıb.

Xəbərdə İsrailin evləri hədəfə aldığı hücumlarda 10-u uşaq olmaqla 30 fələstinlinin həyatını itirdiyi, çox sayda insanın isə yaralandığı bildirilib.

Slovakiyanın Baş naziri Robert Fitso çoxsaylı yaralar alıb və beş saat ərzində əməliyyat olunub.

"Operativ Məlumat Mərkəzi-OMM" TASS-a istinadən xəbər verir ki, bu barədə xəstəxananın direktoru Miriam Lapunikova bildirib.

Onun sözlərinə görə, Baş nazir hələ də reanimasiya şöbəsindədir.

Xatırladaq ki, ötən gün Baş nazir Robert Fitsoya qarşı sui-qəsd cəhdi olub. Atəş R.Fitso ictimaiyyət arasında çıxdıqdan sonra açılıb və o, sinə və qarın nahiyəsindən çoxsaylı yaralar alıb. Daxili İşlər Nazirliyinin məlumatına görə, atəş açanın motivi siyasi olub. Slovakiya KİV-i qeyd edib ki, Baş nazirinin həyatına sui-qəsd 71 yaşlı yazıçı Yuray Tsintula tərəfindən edilib. Həmin şəxs polis tərəfindən tutulub.

Əməliyyatdan sonra Slovakiyanın baş naziri Robert Fitsonun həyatı üçün təhlükə hələ də qalır.

"Operativ Məlumat Mərkəzi-OMM" xəbər verir ki, bu barədə “Markiza” telekanalı mənbəyə istinadən məlumat yayıb.

Xatırladaq ki, ötən gün Baş nazir Robert Fitsoya qarşı sui-qəsd cəhdi olub. Atəş Fitso ictimaiyyət arasında çıxdıqdan sonra açılıb və o, sinə və qarın nahiyəsindən çoxsaylı yaralar alıb.

Pakistan Silahlı Qüvvələri yerli “Fatah-II” genişmənzilli reaktiv yaylım atəşi sisteminin uğurlu buraxılışını həyata keçirib.

"Operativ Məlumat Mərkəzi-OMM" TASS-a istinadən xəbər verir ki, bu barədə Pakistan Müdafiə Nazirliyinin ictimaiyyətlə əlaqələr şöbəsi məlumat yayıb.

Bildirilib ki, bu buraxılışın məqsədi reaktiv yaylım atəşi sisteminin dizaynını, texniki parametrlərini və müxtəlif alt sistemlərini sınaqdan keçirmək olub. “Fatah-II” adi döyüş sursatlarının çatdırılması üçün nəzərdə tutulub. Sistemin idarə olunan raketləri inertial-peyk yönləndirmə sistemi ilə təchiz olunub və 400 kilometrə qədər məsafədə yüksək dəqiqliklə hədəfləri vurmaq qabiliyyətinə malikdir.