OMM Redaksiyası
"Böyük Britaniya hökuməti müdafiə xərclərini artıracaq, NATO çərçivəsində öhdəliklərini gücləndirəcək və Ukraynaya dəstəyini davam etdirəcək".
"Operativ Məlumat Mərkəzi-OMM" xəbər verir ki, bu sözləri Böyük Britaniya Kralı III Çarles bildirib.
Kral çıxışında qeyd edib ki, hökumət xarici siyasətini milli maraqların qiymətləndirilməsi əsasında aparacaq və Avropa tərəfdaşları ilə əməkdaşlığın gücləndirilməsinə üstünlük verəcək.
Kralı III Çarles həmçinin bildirib ki, Britaniya Yaxın Şərqdə sülhün təmin olunması və İsrail–Fələstin münaqişəsinin iki dövlət prinsipi əsasında həllini dəstəkləyir.
Çıxışda vurğulanıb ki, hökumət müdafiə xərclərini artırmaqla yanaşı NATO qarşısında öhdəliklərinə sadiq qalacaq.
Onun nitqi çərçivəsində iqtisadiyyat, enerji, milli təhlükəsizlik, təhsil, səhiyyə və nəqliyyat sahələrini əhatə edən 35-dən çox qanun layihəsi təqdim olunub.
Məlumata görə, çıxış baş nazir Keir Starmer ətrafında siyasi gərginlik fonunda baş tutub. Son günlər bir neçə hökumət üzvünün istefası qeydə alınıb.
