Böyük Britaniyanın neft şirkəti olan BP Qırmızı Dənizlə neft nəqliyyatını dayandırıb.
"Operativ Məlumat Mərkəzi-OMM" xarici KİV-ə istinadən xəbər verir ki, buna səbəb Yəməndəki husi üsyançılarının son günlərdə BP-yə məxsus tankerləri vurması olub.
Şirkət rəsmiləri qərarın müvəqqəti olduğunu deyib. Digər bir neçə şirkət də təhlükəsizlik səbəbi ilə oxşar addım atıb.
Üsyançılar İsrail-HƏMAS qarşıdurmasında HƏMAS-a dəstəklərini ifadə edib və bildiriblər ki, onlar, təkcə, İsrailə hərəkət edən gəmiləri vururlar. Tankerlər, əsasən, Babül-Məndəb boğazında hücuma məruz qalırlar.
Qeyd edək ki, Qırmızı Dəniz dünyanın ən çox neft, yanacaq və digər istehlak mallarının daşındığı rotadır.
