Afət Ziyadqızı
BMT-nin sözçüsü Stefan Dujarrik gündəlik mətbuat konfransında jurnalistlərin suallarını cavablandırıb.
"Operativ Məlumat Mərkəzi-OMM" xəbər verir ki, iki fələstinli mülki şəxsin öldürüldüyü və cəsədlərinin qumda basdırıldığı görüntüləri gördüklərini ifadə edən Dujarrik, "Əlbəttə, görüntüləri təsdiq edə bilmərik, amma şokedici bir hadisədir", - deyib.
Görüntülərin BMT-nin əvvəldən ifadə etdiyi “Qəzzada mülki insanlar üçün təhlükəsiz yer qalmadı” fikrini dəstəklədiyini vurğulayan Dujarrik, hadisənin hərtərəfli araşdırılması lazım olduğunu qeyd edib.
Əl-Cəzirə kanalında yayımlanan görüntülərdə İsrail əsgərlərinin Qəzza zolağının şimalında evlərinə qayıtmağa çalışan iki fələstinlini atəş açaraq öldürdüyü görünür.
Xəbərdə İsrail əsgərlərinin 2 fələstinlini buldozerlərlə sürüyərək cəsədlərini quma basdırdığı bildirilib.
