Afət Ziyadqızı
BMT-nin baş katibi Rusiya prezidenti Vladimir Putinlə amerikalı həmkarı Donald Tramp arasında Ukrayna münaqişəsinin həlli ilə bağlı gözlənilən görüşü alqışlayır.
"Operativ Məlumat Mərkəzi-OMM" xəbər verir ki, bu sözləri RİA Novosti-yə BMT baş katibinin sözçüsünün müavini Fərhan Haq deyib.
“Biz BMT Nizamnaməsinə, beynəlxalq hüquqa, Baş Assambleya və Təhlükəsizlik Şurasının qətnamələrinə uyğun olaraq Ukraynada sülhə nail olmaq üçün bütün səyləri alqışlayırıq”, - deyə rəsmi bildirib.
Putin və Trampın yaxın günlərdə görüşü planlaşdırılır. Rusiya liderinin köməkçisi Yuri Uşakov bildirib ki, görüşün yeri əvvəlcədən razılaşdırılıb və müəyyən edilib, lakin daha sonra açıqlanacaq.
