Ukrayna Prezidenti Volodimir Zelenski çərşənbə günü, martın 8-də ölkəyə səfərdə olan BMT-nin baş katibi Antonio Quterreşlə görüşüb.
"Operativ Məlumat Mərkəzi-OMM" xəbər verir ki, bu barədə dövlət başçısı “Telegram” səhifəsində məlumat verib.
“Mən bu gün Kiyevdə - Rusiyanın genişmiqyaslı təcavüzü başlayandan bəri üçüncü dəfədir Birləşmiş Millətlər Təşkilatının Baş katibi Antonio Quterreş və BMT nümayəndə heyətini salamlamaqdan məmnunam”, - Zelenski yazıb.
O, Kiyevdə sülh və beynəlxalq təhlükəsizlik, eləcə də BMT Nizamnaməsinin tam olaraq yerinə yetirilməsinə dair müzakirələrin aparılmasının vacibliyini vurğulayıb.