Birləşmiş Millətlər Təşkilatının (BMT) baş katibinin humanitar məsələlər və fövqəladə yardım üzrə koordinatoru Martin Qriffits bəyan edib ki, Kaxovka bəndinin dağılmasından sonra 40 yaşayış məntəqəsində daşqınlar baş verib və on minlərlə insana təcili yardım göstərilməlidir.
"Operativ Məlumat Mərkəzi-OMM" xəbər verir ki, bəndin dağıdılmasını fəlakət kimi qiytmətləndirib və qeyd edib ki, hadisənin ciddiliyi və böyüklüyü bir neçə gün sonra başa düşüləcək.
"Kaxovka su anbarı regionda xilasedicidir və təkcə Xersonda deyil, həm də Zaporojya və Dnepr bölgələrində milyonlarla insan üçün kritik su mənbəyidir. Ukrayna hakimiyyəti Xerson vilayətində azı 40 yaşayış məntəqəsinin artıq su altında qaldığını və ya qismən su altında qaldığını bildirib. Yaxın günlərdə bu rəqəmin artacağı gözlənilir”, - deyə o bildirib.
