ABŞ Dövlət katibi Entoni Blinken Konqresi Ukraynaya əlavə yardım üçün 24 milyard dollar ayırmağa çağırıb.
"Operativ Məlumat Mərkəzi-OMM" xəbər verir ki, Blinken ABŞ Prezidenti Co Baydenin Ukraynaya hərbi, iqtisadi və humanitar sahələrdə dəstəyi davam etdirmək üçün Konqresdən 24,1 milyard dollar istədiyini bildirib.
Blinken qeyd edib ki, ABŞ onlarla başqa ölkə ilə birlikdə ədalətli sülh əldə olunana qədər Ukraynanı dəstəkləməyə davam edəcək.
