Serbiya prezidenti Aleksandr Vuçiç qeyd edib ki, gələn həftədən ölkəsinə qarşı Qərbdən təzyiqlər daha da artacaq.
"Operativ Məlumat Mərkəzi-OMM" xəbər verir ki, o, bu barədə RTS telekanalına müsahibəsində deyib
Prezident bildirib ki, Qərb döyüş meydanında Rusiyanı asanlıqla məğlub edə bilməyəcəyini başa düşür, ona görə də Rusiyaya qarşı sanksiyalar paketinə bizim də qoşulmağımızı istəyirlər.
"Mən gözləyirəm ki, biz çoxlu çətinliklərlə üzləşəcəyik, çünki Ukraynada vəziyyət elədir ki, Rusiyanı döyüş meydanında asanlıqla məğlub olmayacaq. Amma qalib gələcəyini də deyə bilmərəm. Gələn həftədən etibarən Rusiya Federasiyasına qarşı sanksiyaların tətbiqi məsələsində böyük təzyiq gözləyirəm. Bu, yəqin ki, indiyə qədərki ən güclü təzyiq olacaq", - Vuçiç bildirib.
