Biləsuvar rayonunda yerləşən Cəbrayıl şəhərciyində narkotik vasitələrin qanunsuz dövriyyəsinə qarşı əməliyyat tədbiri keçirilib.
DİN-in Mətbuat xidmətindən “Operativ Məlumat Mərkəzi-OMM”-ə verilən məlumata əsasən, Cəbrayıl RPŞ-nin əməkdaşları tərəfindən həyata keçirilən tədbir zamanı narkotiklərin satışında şübhəli bilinən Zaur Əkbərov və Ramil Abızadə saxlanılıblar.
Saxlanılan şəxslərdən külli miqdarda – 5 kiloqram 650 qram marixuana və 60 ədəd metadon həbi aşkar edilərək maddi sübut kimi götürülüb.
Faktla bağlı cinayət işi başlanılıb, hər iki şəxs barəsində həbs qətimkan tədbiri seçilib.
