Əli Məmmədli
Türkiyənin “Beşiktaş” klubunun üç futbolçusu UEFA Konfrans Liqasının III təsnifat mərhələsində “Neftçi” ilə keçiriləcək ilk oyunu buraxa bilər.
"Operativ Məlumat Mərkəzi-OMM" xəbər verir ki, bu barədə İstanbul nəhənginin baş məşqçisi Şenol Günəş yerli mətbuata açıqlamasında deyib.
O bildirib ki, hücumçu Cenk Tosun və əlcəzairli yarımmüdafiəçi Raşid Qezzal növbəti həftənin əvvəlindən məşqlərə başlayacaqlar. Onların Bakıdakı matçda oynayıb-oynamayacaqları hazırlıq durumlarından asılı olacaq.
Həmçinin, II raund çərçivəsində “Tirana” (Albaniya) ilə ötən gün keçirilən cavab görüşündə zədələnərək əvəzlənən yarımmüdafiəçi Necip Uysalın durumuna tibbi müayinədən sonra aydınlıq gələcək.
