"Belarus Ukraynadakı münaqişənin tez bir zamanda sülh yolu ilə həllini dəstəkləyir və regionda təxribatçı bəyanatlara və təhlükəli oyunlarına son qoyulmasına çağırır".
"Operativ Məlumat Mərkəzi-OMM" xəbər verir ki, bu sözləri Belarusun Rusiyadakı səfiri Yuri Seliverstov deyib.
"Biz Belarusun Ukraynadakı münaqişənin sürətli, dinc və diplomatik yolla həllinə ehtiyac duyduğuna dair qəti mövqeyini bir daha təsdiqləyirik. Bölgəmizdəki təhlükəli təhlükəsizlik oyunlarına son qoymağa çağırırıq. Münaqişə zonasına amansızcasına silah göndərilməsini və bizi yalnız qırılma nöqtəsinə yaxınlaşdıran təxribatçı bəyanatların axınını dayandırmağın vaxtıdır", - o bildirib.
Seliverstov həmçinin qeyd edib ki, Minsk Ukrayna böhranının həllinə və sülh razılaşmalarının əldə edilməsinə yönəlmiş istənilən səyləri alqışlayır və dəstəkləyir.
"Uzunmüddətli dinc nizamlanma yalnız bölgəmizdə və bütövlükdə Avrasiyada yeni, inklüziv təhlükəsizlik arxitekturasının formalaşdırılması yolu ilə mümkündür. Bu, dövlətlərin suveren bərabərliyinə və təhlükəsizliyin bölünməzliyinə, başqalarının təhlükəsizliyi hesabına öz təhlükəsizliyini təmin etməyin yolverilməzliyinə və beynəlxalq hüququn aliliyinə əsaslanmalıdır", - səfir əlavə edib.
