Birləşmiş Ərəb Əmirlikləri, Qətər və Küveyt İran hücumlarının yeni dalğasını elan ediblər.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
BƏƏ Müdafiə Nazirliyi 4 martda 121 dron və üç ballistik raketi ələ keçirdiyini, daha səkkiz dronun isə ölkə ərazisinə düşdüyünü bildirib.
Qətər 10 İran dronunun və iki qanadlı raketin ələ keçirildiyini bildirib. Küveyt ordusu raket və dron hücumlarının yeni dalğasına qarşı fəal şəkildə mübarizə apardığını bildirib.
Məsələ ilə bağlı əlavə məlumat verilməyib.
Qeyd edək ki, ABŞ və İsrail 28 fevraldan bəri İrana zərbələr endirir və bunu "qabaqlayıcı" zərbə adlandırır.
Onlar iddia edirlər ki, İran uzunmənzilli ballistik raket proqramı hazırlayır və nüvə silahı əldə etməyə çalışır. Tehran bu ittihamları rədd edir və İsrailə, eləcə də ABŞ-nin Yaxın Şərqdəki hərbi bazalarına və enerji obyektlərinə zərbələr endirməklə cavab verib.
