"Bavariya"nın baş direktoru Yan-Kristian Drezen futbol ictimaiyyətinin qəzəb dalğası ilə qarşılaşan Avropa Super Liqası layihəsi barədə danışıb.
"Operativ Məlumat Mərkəzi-OMM" xarici KİV-ə istinadən xəbər verir ki, baş direktor Super Luqanın onlar üçün bitdiyini vurğulayıb.
“Super Liqa? Bizim üçün bu layihə ölüdür. O qədər kəskin danışıram ki, artıq sual qalmayıb. Super Liqa o qədər ölüdür ki, bundan da ölümcül olmaq mümkün deyil”.
Qeyd edək ki, "Bavariya" Bundesliqa cədvəlində lider Bayer Leverkuzendən 2 xal geri qalaraq üçüncüdür. Ölkə çempionatının növbəti turunda Tomas Tuxelin yetirmələri səfərdə “Maynts”la qarşılaşacaq.
