OMM Redaksiyası
"Arsenal" İngiltərə millisinin üzvü Entoni Qordon üçün 92 milyon avro ödəməyə hazırdır.
"Operativ Məlumat Mərkəzi-OMM" xarici KİV-ə istinadən xəbər verir ki, lakin London təmsilçisi onu heyətinə qatmaq istəyən yeganə klub deyil.
Jurnalist Saşa Tavolyerinin məlumatına görə, Münhenin "Bavariya" klubu da "Nyukasl"ın hücumçusunu transfer etmək imkanlarını nəzərdən keçirir.
Mənbə bildirir ki, Almaniya təmsilçisi artıq futbolçunun agentləri ilə əlaqə saxlayıb və oyunçunun bu yay transferini istisna etmir.
Qordon sürəti, məharətli driblinqi və qol vurmaq bacarığı ilə "Bavariya" üçün cəlbedici namizəddir. İngilis futbolçu hücumun istənilən mövqeyində oynaya bilsə də, bu mövsüm əsasən sol vinger və ya mərkəz hücumçusu kimi çıxış edib.
Hazırda "Bavariya"nın hücum xəttini gücləndirməyə kəskin ehtiyacı yoxdur. Maykl Olise, Serj Qnabri, Luis Dias və Harri Keyn əla formadadırlar. Həmçinin, gənc istedad Lennart Karl və zədədən yeni qayıdan Camal Musiala kimi keyfiyyətli alternativlər mövcuddur. Qordonun ehtiyat oyunçu roluna razılaşacağı inandırıcı deyil və klub da ehtiyat oyunçu üçün böyük məbləğ ödəmək niyyətində deyil.
Futbolçunun "Nyukasl" ilə müqaviləsi 2030-cu ilə qədərdir və klub onun sərbəst qalması üçün təxminən 110 milyon avro tələb edir. Fevralın sonlarında yayılan məlumatlara görə, "Liverpul" və "Arsenal" da vingerlə maraqlanır.
