Fransanın PSJ lubunun portuqaliyalı hücumçusu Qonsalu Ramuş yay transfer pəncərəsində komandanı tərk edə bilər.
"Operativ Məlumat Mərkəzi-OMM" "Teamtalk" nəşrinə istinadən xəbər verir ki, gənc forvard karyerasını İspaniyada davam etdirmək ehtimalını nəzərdən keçirir.
Məlumata görə, 24 yaşlı oyunçunun xidmətlərində Kataloniyanın "Barselona" klubu yaxından maraqlanır. Futbolçunun özü isə Paris təmsilçisindəki vəziyyətindən, xüsusən də qeyri-sabit oyun praktikasından narazıdır.
Qonsalu Ramuşun PSJ ilə hazırkı müqaviləsi 2028-ci ilin iyun ayına qədər nəzərdə tutulub. Onun transfer dəyəri hazırda 35 milyon avro olaraq qiymətləndirilir.
Cari mövsümdə portuqaliyalı hücumçu Paris klubunun heyətində 41 matçda meydana çıxaraq, 12 qol və 2 məhsuldar ötürmə ilə yadda qalıb.
