Paytaxt Bakının bir sıra əsas magistral və küçələrində nəqliyyatın hərəkətində sıxlıq yaranıb.
"Operativ Məlumat Mərkəzi-OMM" xəbər verir ki, bu barədə Nəqliyyatı İntellektual İdarəetmə Mərkəzi (NİİM) məlumat yayıb.
Rəsmi məlumata əsasən, hazırda tıxac müşahidə olunan yollar aşağıdakılardır:
Bakı–Sumqayıt şosesi – “20 Yanvar” metro stansiyası istiqamətində;
Alı Mustafayev küçəsi – Ziya Bünyadov prospekti istiqamətində;
Mikayıl Müşfiq küçəsi – “Badamdar” dairəsindən 20 nömrəli məktəb-lisey istiqamətində;
Babək prospekti – mərkəz istiqamətində;
Heydər Əliyev prospekti (əsas yol) – mərkəz istiqamətində;
Tbilisi prospekti – “20 Yanvar” metro stansiyasından mərkəz istiqamətində;
Yusif Səfərov küçəsi – mərkəz istiqamətində;
28 May küçəsi – Puşkin küçəsi ilə kəsişmədən Rəşid Behbudov küçəsi ilə kəsişməyədək;
Xətai prospekti – Heydər Əliyev prospekti istiqamətində;
Rəşid Behbudov küçəsi – Mərkəzi Bank istiqamətində;
1-ci Göl kənarı yolu – Ziya Bünyadov prospekti istiqamətində;
Binəqədi şosesi – “Azadlıq prospekti” metro stansiyası istiqamətində;
Ziya Bünyadov prospekti – Müzəffər Nərimanov küçəsi ilə kəsişmədən “20 Yanvar” metro stansiyası istiqamətində;
Üzeyir Hacıbəyli küçəsi – Azadlıq prospekti ilə kəsişməyədək;
Aeroport şosesi – “Koroğlu” metro stansiyası istiqamətində;
Afiyəddin Cəlilov küçəsi – Yusif Səfərov küçəsi istiqamətində.
NİİM sürücülərə alternativ marşrutlardan istifadə etməyi və hərəkət zamanı yol şəraitini nəzərə almağı tövsiyə edir.
