Bakının bir sıra prospekt və küçələrində nəqliyyatın hərəkəti məhdudlaşdırılacaq

Aprelin 23-dən 24-nə keçən gecə Bakı Şəhər Halqasının (BŞH) əhatəsi boyunca tamamlanma işləri başlayacaq.

BŞH-dən "Operativ Məlumat Mərkəzi-OMM"-ə verilən məlumata görə, bununla əlaqədar aprelin 24-ü gecə saat 01:00-dan etibarən qurumun əhatə etdiyi prospekt və küçələrdə nəqliyyatın hərəkəti məhdudlaşacaq.

Avtomobil idarə edən sakinlərdən həyətlərdən çıxışların qapanmasını nəzərə alaraq, qeyd olunmuş vaxtdan əvvəl nəqliyyat vasitələrini həyətlərdən çıxarmaları xahiş olunub.

Bu yollarda nəqliyyatın hərəkəti mayın 2-si saat 08:00-dan etibarən bərpa olunacaq.