Gürcüstanın Laqodexi rayonunda yerləşən “Matsimi” sərhəd bölməsində dövlət sərhədini qanunsuz keçən dörd nəfər xarici ölkə vətəndaşı saxlanılıb.
"Operativ Məlumat Mərkəzi-OMM" xəbər verir ki, bu barədə Gürcüstanın Sərhəd Polisindən bildirilib.
İstintaqla müəyyən edilib ki, həmin şəxslər sərhəd-keçid məntəqəsindən yan ötməklə Azərbaycandan qrup halında Gürcüstanın dövlət sərhədini qanunsuz keçiblər.
Faktla bağlı istintaq tədbirləri davam etdirilir. Törədilmiş cinayət əməli 5 ilədək azadlıqdan məhrumetmə ilə cəzalandırılır.
Saxlanılan əcnəbilərin vətəndaşlıqları açıqlanmayıb.
