Azərbaycan pilotları “Qış təlimi - 2023” təlimlərində şərti düşmən hədəflərini məhv ediblər
Azərbaycan pilotları Türkiyənin Qars şəhərində keçirilən “Qış təlimi - 2023” təlimlərində hava manevrlərini icra ediblər.
“Operativ Məlumat Mərkəzi-OMM” “Anadolu”ya istinadən xəbər verir ki, bu barədə Türkiyənin Milli Müdafiə Nazirliyindən bildirilib.
Qeyd olunub ki, təlimlər çərçivəsində pilotlar müxtəlif tapşırıqları yerinə yetiriblər.
Məşqlər zamanı, həmçinin şərti hədəflər məhv edilib.
Qeyd edək ki, 17 ölkədən 1758 nəfərin iştirak etdiyi təlimlərdə həmçinin 651 nəqliyyat və 28 müxtəlif növdə 865 silahdan istifadə olunur. Hazırlıqlar mənfi 17 dərəcə hava şəraitində keçirilir.
