HAVELSAN-ın rəhbərliyi altında qabaqcıl şirkətlərin əməkdaşlığı ilə inkişaf etdirilən Türkiyənin pilotsuz quru vasitəsi Kapgan təqdim olunduqdan qısa müddət sonra sahəyə çıxıb və ilk dəfə ağır pulemyotla atəş sınağı keçirib.
"Operativ Məlumat Mərkəzi - OMM" Anadolu Agentliyinə istinadən xəbər verir ki, türk müdafiə sənayesinin qabaqcıl şirkətlərinin əməkdaşlığı ilə hazırlanan pilotsuz quru vasitəsi Kapgan, sərgidən qısa müddət sonra sahəyə çıxdı və ilk dəfə atəş sınağı keçirdi.
Kapgan, Anadolu Agentliyinin nümayiş etdirdiyi sınaqlar üçün gövdə üzərində işlərin tamamlanmasından sonra Samsundakı Samsun Yurt Savunma atış poliqonuna köçürülüb. Layihədə iştirak edən qrupların işi ilə Unirobotics-in top qülləsi və Samsun Yurt Müdafiə şirkətinin Canik M2 QCB 12,7 millimetrlik ağır pulemyotu Kapgana inteqrasiya edilib və gecə atəşləri həyata keçirilib. Gündüz çəkilişləri də növbəti günün səhər saatlarında aparılıb. Atıcılıq testlərindən sonra sahəyə çıxan Kapqan sürücülük performansını üzə çıxarıb.
Bu sınaqla Türkiyə Silahlı Qüvvələrinin inventarına yeni daxil olan Canik M2 QCB 12,7 millimetrlik ağır pulemyot ilk dəfə pilotsuz quru vasitəsi ilə istifadə edilib.
