Azərbaycan-Filippin parlamentlərarası əlaqələr üzrə işçi qrupu yaradılıb.
"Operativ Məlumat Mərkəzi-OMM" xəbər verir ki, bununla bağlı məsələ “Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında” Milli Məclisin qərarında dəyişikliklər edilməsi barədə” qərar layihəsində əksini tapıb.
Parlamentin bugünkü iclasında müzakirəyə çıxarılan məsələ barədə Beynəlxalq münasibətlər və parlamentlərarası əlaqələr komitəsinin sədri Səməd Seyidov məlumat verib.
Qeyd edək ki, Müşfiq Cəfərov yeni işçi qrupunun rəhbəri təyin edilib.
Qərar layihəsi səsverməyə qoyularaq qəbul edilib.
