Azərbaycan hökuməti Bakıda keçiriləcək Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) maliyyə öhdəlikləri ilə yanaşı, birbaşa və ya dolayısı ilə əlaqədar olan digər əlavə təşkilati xərcləri öz üzərinə götürür.

"Operativ Məlumat Mərkəzi-OMM"-in əldə etdiyi məlumata görə, bu, Milli Məclisin oktyabrın 8-də keçiriləcək plenar iclasının gündəliyinə daxil edilən “Azərbaycan Respublikası Hökuməti ilə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının, Kioto Protokolunun və Paris Sazişinin Katibliyi arasında Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının iyirmi doqquzuncu sessiyası, Kioto Protokolunun Tərəflər Görüşünün on doqquzuncu sessiyası, Paris Sazişinin Tərəflər Görüşünün altıncı sessiyası və Köməkçi Orqanların sessiyaları haqqında Saziş”in təsdiq edilməsi barədə qanun layihəsində əksini tapıb.

Qeyd olunub ki, müvəqqəti olaraq müəyyən edilən 5 milyon 811 min 800 ABŞ dolları miqdarında belə xərclərə katibliyin və Konfransı planlaşdırmaq, xidmət göstərmək və ya iştirak etmək üçün təyin edilmiş Birləşmiş Millətlər Təşkilatının digər rəsmi şəxslərinin səyahət və işçi hüquqları ilə bağlı faktiki əlavə xərclər, o cümlədən bu Sazişin bağlanmasından əvvəl həyata keçirilənlər də daxil olmaqla, Konfransı planlaşdırmaq üçün tələb olunan hazırlıq texniki missiyalar üzrə xərclər və informasiya və kibertəhlükəsizlik və veb yayımı xidmətlərinin xərcləri aiddir, lakin bunlarla məhdudlaşmır.

Hökumət bu təxmin edilən məbləği vəsaitlərin köçürülməsi üçün Tərəflər arasında məktub mübadiləsi yolu ilə bağlanacaq ayrıca sazişə uyğun olaraq katibliyə köçürəcəkdir.

Rusiya Prezidenti Vladimir Putin və ya hökumət başçısı Mixail Mişustin noyabrın 11-22-də Bakıda keçiriləcək BMT-nin COP29 iqlim konfransında iştirak edə bilər.

"Operativ Məlumat Mərkəzi-OMM" TASS-a istinadən xəbər verir ki, bunu Rusiya Prezidentinin köməkçisi, prezidentin iqlim məsələləri üzrə xüsusi nümayəndəsi Ruslan Edelgeriyev deyib.

“Mən prezidentin fərmanı ilə Rusiya nümayəndə heyətinə rəhbərlik edirəm. Amma ümid edək ki, bu il onlardan biri - ya prezident, ya da hökumət sədri olacaq. Azərbaycan strateji əhəmiyyətli tərəfdaşdır və mən əlbəttə ki, statusun daha yüksək olmasını, açılışda ya prezident, ya da hökumət sədrinin olmasını istərdim, ondan sonra danışıqların əsas hissəsini məntiqi sonluğa çatdırardım”, - o bildirib.

Gələn ay Azərbaycanda keçiriləcək Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində baş tutacaq Şura iclasında iştirak edəcək bəzi şəxslər dedikləri və ya yazdığı sözlərə görə məsuliyyət daşımayacaq.

"Operativ Məlumat Mərkəzi-OMM"-in əldə etdiyi məlumata görə, bu, Milli Məclisin oktyabrın 8-də keçiriləcək plenar iclasının gündəliyinə daxil edilən “Azərbaycan Respublikası Hökuməti ilə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının, Kioto Protokolunun və Paris Sazişinin Katibliyi arasında Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının iyirmi doqquzuncu sessiyası, Kioto Protokolunun Tərəflər Görüşünün on doqquzuncu sessiyası, Paris Sazişinin Tərəflər Görüşünün altıncı sessiyası və Köməkçi Orqanların sessiyaları haqqında Saziş”in təsdiq edilməsi barədə qanun layihəsində əksini tapıb.

Belə ki, Təmiz İnkişaf Mexanizmi (TİM) İdarə Heyətinin üzvləri və Şuranın iclasında iştirak edən ehtiyat üzvlər dedikləri və ya yazdığı sözlərə və TİM-in görüşündə iştiraklarla bağlı vəzifə səlahiyyətləri çərçivəsində etdikləri hər hansı hərəkətə görə məhkəmə prosesinə cəlb olunmayacaq.

Eyni zamanda müşahidəçi təşkilatların nümayəndələri sessiyaqabağı görüşlərdə, konfransda, eləcə də çərçivə konvensiyası görüşlərində iştirakları ilə bağlı danışdıqları və ya yazdığı sözlərə və onların öz fəaliyyətləri ilə əlaqədar həyata keçirdikləri hər hansı hərəkətlərə görə də məsuliyyətdən azaddırlar.

Həmçinin sessiyaqabağı görüşlərdə iştirak üçün katiblik tərəfindən akkreditə olunmuş və yaxa kartları verilmiş iştirakçılar da dediyi və ya yazılı sözlər, həyata keçirdikləri hər hansı hərəkətə görə məhkəmə prosesinə cəlb olunmayacaq.

Qeyd edək ki, beynəlxalq tədbir noyabr ayının 11-22 noyabr tarixlərində Bakı Olimpiya Stadionunda keçiriləcək.

Gələn ay Azərbaycanda keçiriləcək Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində baş tutacaq tədbirlərdə BMT-nin altı rəsmi dilinə tərcümə olacaq.

"Operativ Məlumat Mərkəzi-OMM"-in əldə etdiyi məlumata görə, bu, Milli Məclisin oktyabrın 8-də keçiriləcək plenar iclasının gündəliyinə daxil edilən “Azərbaycan Respublikası Hökuməti ilə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının, Kioto Protokolunun və Paris Sazişinin Katibliyi arasında Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının iyirmi doqquzuncu sessiyası, Kioto Protokolunun Tərəflər Görüşünün on doqquzuncu sessiyası, Paris Sazişinin Tərəflər Görüşünün altıncı sessiyası və Köməkçi Orqanların sessiyaları haqqında Saziş”in təsdiq edilməsi barədə qanun layihəsində əksini tapıb.

Belə ki, sessiya müddətində BMT-nin altı rəsmi dilində aparılmasına imkan verən avadanlıq və qurğulardan istifadə ediləcək.

Məlumat üçün bildirək ki, BMT-nin altı rəsmi dil kimi Çin, ərəb, fransız, ingilis, ispan və rus dilləri qəbul edilib.

Qeyd edək ki, beynəlxalq tədbir noyabr ayının 11-22 noyabr tarixlərində Bakı Olimpiya Stadionunda keçiriləcək.

Belarus Prezidenti Aleksandr Lukaşenko noyabrda COP29 iqlim konfransının keçiriləcəyi Bakı şəhərinə gəlmək planlarını təsdiqləyib.

"Operativ Məlumat Mərkəzi-OMM" BELTA-ya istinadən xəbər verir ki, bu barədə A.Lukaşenko Minskdə Azərbaycan Baş naziri Əli Əsədovla görüşündə bildirib.

Ə.Əsədov Bakıda keçiriləcək COP29-da iştirakla bağlı Prezident İlham Əliyevin dəvət məktubunu Belarus Prezidentinə təqdim edib.

“Biz Sizin şəxsi iştirakınıza xüsusi önəm veririk, bu, konfransa ayrıca status verəcək”, - baş nazir vurğulayıb.

Elm və Təhsil Nazirliyi COP29-la əlaqədar tədbirlər planı hazırlayıb.

"Operativ Məlumat Mərkəzi-OMM" xəbər verir ki, bunu elm və təhsil nazirinin müavini Firudin Qurbanov oktyabrın 3-də Bakı İqlim Fəaliyyəti Həftəsi çərçivəsində təşkil olunan "İqlim keçidlərində ali təhsilin rolu" mövzusunda keçirilən tədbirdə çıxışı zamanı deyib.

Onun sözlərinə görə, orta və ali məktəblərdə ekoloji şüur formalaşdırılmalıdır: "İnsan kapitalının ali təhsildə vacib rolunu nəzərə alsaq, iqlim maarifləndirməsində ali təhsilin trayektoriyasını genişləndirmək vacibdir".

F.Qurbanov bildirib ki, bu həftə təhsil müəssisələrində "Yaşıl həftə" elan olunub: "Seminarlarla şagirdlərdə və tələbələrdə mədəniyyətin formalaşdırılmasına çalışırıq".