Sosial şəbəkələrdə əxlaq normaları ilə bir araya sığmayan informasiyaların yayımına qarşı davam edən profilaktik tədbirlər çərçivəsində polis daha bir tiktokeri saxlayıb.
Bu barədə “Operativ Məlumat Mərkəzi-OMM” məlumat yayıb.
Həyata keçirilən tədbirlər nəticəsində “TikTok” sosial şəbəkəsində canlı yayım zamanı təhqiramiz ifadələr səsləndirən Əliqismət Nəzərov saxlanılıb.
Onun barəsində internet informasiya ehtiyatlarında və ya informasiya-telekommunikasiya şəbəkələrində yayılması qadağan edilən informasiyanın yerləşdirilməsinə yol verdiyinə görə rəsmi protokol tərtib olunub.
Müvafiq qərarla Ə.Nəzərov inzibati qaydada həbs edilib.
