Azərbaycanlı FIFA referisi Elçin Məsiyev UEFA Avropa Liqasının oyununa təyinat alıb.
"Operativ Məlumat Mərkəzi-OMM" xəbər verir ki, o, Danimarkada yerli “Midtyullann” və Xorvatiyanın “Dinamo” (Zaqreb) klubları arasında keçiriləcək Liqa mərhələsinin VIII turunun qarşılaşmasını idarə edəcək.
Elçin Məsiyevə Elşad Abdullayev və Pərvin Talıbov köməkçi hakimlər qismində yardım göstərəcəklər. Dördüncü hakim funksiyasını isə Kamal Umudlu yerinə yetirəcək.
Qeyd edək ki, “Midtyullann” – “Dinamo” oyunu yanvarın 29-dan 30-na keçən gecə, Bakı vaxtı ilə saat 00:00-da başlayacaq.
