“Azərbaycan Mədəniyyəti–2040” Konsepsiyasının Mədəniyyət Nazirliyinin tabeliyində olan qurumlar üçün təqdimatı keçirilib.
Bu barədə "Operativ Məlumat Mərkəzi-OMM"-ə Mədəniyyət Nazirliyindən məlumat verilib.
Tədbirdə çıxış edən mədəniyyət naziri Adil Kərimli konsepsiyanın əsas məqsədləri, prioritet istiqamətləri və qarşıda duran vəzifələr barədə ətraflı məlumat verib.
Daha sonra konsepsiya ilə bağlı xüsusi hazırlanmış videoçarx nümayiş etdirilib.
Təqdimat çərçivəsində sənədin məzmunu geniş şəkildə izah olunub, həmçinin Mədəniyyət Nazirliyinin bu konsepsiya üzrə öhdəlikləri, həyata keçirilməsi nəzərdə tutulan layihə və tədbirlər diqqətə çatdırılıb. Nazirliyin tabeliyində olan qurumlara müvafiq tapşırıqlar verilib.
