Avropa İttifaqında (Aİ) ümumi qaz ehtiyatları mütləq maksimuma çatıb.
"Operativ Məlumat Mərkəzi-OMM" "Gas Infrastructure Europe"-a istinadən xəbər verir ki, hazırda anbarların 97,89% doludur.
Anbarlarda 107,75 milyard kubmetr qaz ehtiyatı var.
Bundan əvvəl Aİ-nin yeraltı qaz anbarlarının mütləq maksimum doluluğu 28 oktyabr 2019-cu ildə müşahidə edilib - 97,84%.
Beynəlxalq Enerji Agentliyi (IEA) əvvəllər qeyd edirdi ki, Avropa öz qaz anbarlarını demək olar ki, 100%-ə qədər doldura bilər, lakin hətta soyuq qışda və Rusiyadan qaz nəqlinin tamamilə dayandırılması halında belə yüksək ehtiyatlar da bazarda qeyri-sabitliyə səbəb ola bilər.
