Avropa Parlamenti (AP) Avropa İttifaqı (Aİ) ölkələrinin dövlət xərclərinin və büdcə kəsirlərinin azaldılmasına yönəlmiş yeni maliyyə qaydalarını təsdiqləyib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Strasburqda keçirilən AP Baş Assambleyasının sessiyasında Aİ-nin yeni maliyyə qaydaları səs çoxluğu ilə qəbul edilib.

Rəqəmsal və yaşıl transformasiya, sosial və müdafiə xərcləri daxil olmaqla müəyyən strateji sahələrə investisiyalar qorunacaq.

Avropa Yayım Birliyi mayın 11-də İsveçin Malmö şəhərində keçiriləcək "Eurovision" Mahnı Müsabiqəsində Fələstin bayrağı ilə qonaqların içəri buraxılmayacağını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Avropa Yayım Birliyi (EBU) tərəfindən edilən açıqlamada mahnı yarışmasının keçiriləcəyi Malmö Arenaya Fələstin bayrağı və ya siyasi mesaj daşıyan pankartla girməyə cəhd edənlərin dayandırılacağı və onların Fələstin bayraqları və ya pankartları götürüləcək.

Avropa İttifaqı ölkələrinin liderləri Brüsseldə keçirilmiş sammitdən sonra İsrailə hücumla əlaqədar İrana qarşı sanksiyaları genişləndirəcəklərini açıqlayıblar. 

"Operativ Məlumat Mərkəzi-OMM" xarici KİV-ə istinadən xəbər verir ki, məhdudiyyətlərin əksəriyyəti dron və raketlərin istehsalı ilə əlaqəlidir.

Məsələ ilə bağlı ittifaq liderlərinin yaydığı birgə bəyanatında bildirilib ki, blok ölkələri İrana qarşı, xüsusilə dron və raketlərlə bağlı əlavə məhdudlaşdırıcı tədbirlər görəcək. 

Bunun regionda gərginliyin azaldılması və təhlükəsizliyin təmini ilə əlaqəli olduğu qeyd edilib.
 

Yunan Həmkarlar İttifaqları Konfederasiyasının (GSEE) çağırışı ilə ölkə daxilində işçilər iqtisadi şəraitin yaxşılaşdırılması tələbi ilə 24 saatlıq tətilə başlayıblar.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

GSEE-nin çağırışı ilə ölkə daxilində keçirilən 24 saatlıq tətil çərçivəsində metro, tramvay və şəhərətrafı qatar kimi ictimai nəqliyyat vasitələri xidmət göstərməyib. Avtobuslar yalnız müəyyən saatlarda fəaliyyət göstərib.

Tətil çərçivəsində işçilər paytaxt Afinada aksiya təşkil ediblər. Nümayişdə əmək haqqının artırılması, kollektiv müqavilə imzalanması kimi tələblərini dilə gətirən işçilər Parlament binasına doğru yürüş ediblər.

Avropa İttifaqı Çində istehsal edilən avtomobillərlə ədalətli rəqabətə açıq olmalıdır.

"Operativ Məlumat Mərkəzi-OMM" xəbər verir ki, Almaniya kansleri Olaf Şolts bunu Şanxaya işgüzar səfəri zamanı deyib.

“Avropa bazarı Çin avtomobilləri ilə açıq və ədalətli rəqabət aparmalıdır”, - deyə Olaf Şolts bildirib. Kanslerin sözlərinə görə, Yaponiya və Cənubi Koreya avtomobilləri Avropaya gələndə də onların bazarı özlərinə tabe edəcəyi ilə bağlı narahatlıqlar var idi, lakin bu, baş vermədi.

Almaniya Avtomobil Sənayesi Assosiasiyası Çində istehsal olunan elektromobillərin idxalına əlavə rüsumların tətbiqinə qarşı çıxıb və bunun ticarət müharibəsinə səbəb ola biləcəyi ilə bağlı xəbərdarlıq edib.

AFR kansleri Olaf Şolts dünən Çinə işgüzar səfərə gəlib. O, aprelin 16-da Pekində ÇXR Sədri Si Cinpin və digər vəzifəli şəxslərlə danışıqlar aparacaq.

Fransa Prezidenti Emmanuel Makron İranın İsrailə hücumundan sonra Yaxın Şərqdə “alovlanmanın baş verməməsi üçün hər şeyi etmək” istədiyini deyib.

"Operativ Məlumat Mərkəzi-OMM" xəbər verir ki, Fransa Prezidenti Emmanuel Makron bu barədə BFMT TV və RMC-nin suallarını cavablandırarkən deyib.

"Biz qınadıq, müdaxilə etdik, alovlanma və eskalasiyanın qarşısını almaq üçün hər şeyi edəcəyik", - Fransa Prezidenti əmin edib.

Fransa dövlət başçısı İsraili İrana eskalasiya ilə cavab verməməli olduğuna inandırmaq niyyətində olduğunu deyib. "Biz İranı daha çox təcrid etməli, sanksiyaları artırmalı və regionda sülhə gedən yol tapmalıyıq".
Prezident Makron hesab edir ki, İran ötən şənbə günü İsrailə pilotsuz uçuş aparatları və raketlər göndərməklə Dəməşqdəki konsulluğuna hücuma qarşı İsrailə "qeyri-adekvat" cavab verib.
Makron bu hücumu "çox təhlükəli" və "görünməmiş" hal kimi xarakterizə edib.
Fransanın İranın hücumuna qarşı İsrailin müdafiəsindəki roluna gəlincə, prezident Emmanuel Makron Parisin İordaniyanın tələbi ilə proses müdaxilə etdiyini deyib.