Almaniyada təşkil olunan futbol üzrə Avropa çempionatında 1/4 final mərhələsinin cütləri müəyyənləşib.

"Operativ Məlumat Mərkəzi-OMM" xəbər verir ki, bu gün baş tutan 1/8 final mərhələsinin iki oyunundan sonra 1/ 4 finalda üz-üzə gələcək komandalar dəqiqləşib.

Avropa çempionatı
1/4 final cütləri

İspaniya - Almaniya
Portuqaliya - Fransa
İngiltərə - İsveçrə
Niderland – Türkiyə

Qeyd edək ki, bu raundun qarşılaşmaları 5-6 iyul tarixlərində olacaq. AVRO-2024 iyulun 14-də başa çatacaq.

"Araz-Naxçıvan" komandasının futzal üzrə UEFA Çempionlar Liqasının ilkin mərhələsindəki rəqibləri bəlli olub.

"Operativ Məlumat Mərkəzi-OMM"-in məlumatına görə, Azərbaycan çempionu “Uddevalla” (İsveç), “Sparta” ( Belfast, Şimali İrlandiya) və “Sillamae” (Estoniya) klublarına rəqib olub.

H qrupunun oyunları İsveçdə keçiriləcək.

Qeyd edək ki, matçlar avqustun 20-25-də baş tutacaq. Qrup qalibləri əsas mərhələdə iştirak hüququ əldə edəcəklər.

Təlim-məşq tioplanışı çərçivəsində sabah Avstriyaya yola düşəcək "Qarabağ"ın yoxlama görüşlərində qarşılaşacağı rəqiblərdən ikisi bəlli olub.

"Operativ Məlumat Mərkəzi-OMM" klubun mətbuat xidmətinə istinadən xəbər verir ki, Ağdam təmsilçisi iyulun 9-da saat 14:30-da "Kaiserslautern" (Almaniya), həmin gün saat 20:00-da isə "Viktoria Plzen" (Çexiya) klubları ilə üz-üzə gələcək.

Qurban Qurbanovun komandasının Tirolda 4 yoldaşlıq oyunu keçirməsi nəzərdə tutulub.

Türkiyənin "Qalatasaray" klubunun italiyalı futbolçusu Nikolo Zanyolo karyerasını ölkəsində davam etdirəcək.

"Operativ Məlumat Mərkəzi-OMM" xəbər verir ki, bu barədə insayder Yağız Sabuncuoğlu məlumat yayıb.

Onun sözlərinə görə, "sarı-qırmızılar" 25 yaşlı yarımmüdafiəçinin keçidi üçün "Atalanta" ilə razılıq əldə edib. Oyunçu icarə əsasında Berqamo təmsilçisinin formasını geyinəcək. İtaliya klubu Zanyolonu almaq hüququna da malik olacaq.

Qeyd edək ki, futbolçu ötən mövsüm İngiltərədə icarə əsasında "Aston Villa"nın formasını geyinib.

"Yuventus" "Atalanta"nın hollandiyalı yarımmüdafiəçisi Teno Kopmainerslə bağlı rəsmi təklif hazırlayır. 

"Operativ Məlumat Mərkəzi-OMM" xəbər verir ki, bu barədə Fabrizio Romano sosial şəbəkədə hesabında yazıb.

Kopmainers özü "Yuventus"a keçməkdə maraqlıdır. 

Kopmainers zədə səbəbiylə Almaniyada keçirilən Avropa çempionatını qaçırır.

26 yaşlı oyunçu 2021-ci ildən "Atalanta"da çıxış edir.

Futbolçunun "Atalanta" ilə müqaviləsi 2027-ci ilin yayına qədər qüvvədədir.

Naçonun "Real"dan ayrılmasından sonra "kral klubu" yeni mərkəz müdafiəçisi axtarışına başlayıb.

"Operativ Məlumat Mərkəzi-OMM" "The Sun" qəzetinə istinadən xəbər verir ki, Madrid klubu "Kristal Pelas"ın futbolçusu Mark Qehayanı yaxından izləyir.

Hazırda 23 yaşlı müdafiəçi İngiltərə yığmasında Avropa çempionatında yüksək səviyyədə çıxış edir.

"Kristal Pelas" Mark Qehayanı 59 milyon avroya sata bilər.